Nire gustu pertsonaletan oinarritutako Nortasun Bisual Korporatibo pertsonal baten sorkuntza, animazioa, argazkilaritza eta diseinu grafikoaren sektoreetan zentratua. Animazioa, argazkilaritza, zinema eta kultura japoniarra dira inspirazio iturriak.
Bi elementu garrantzitsu nabarmendu behar dira: “V” letra eta puntua. “V” letra desberdin egitearen arrazoia da izena hiru letrez osatua dagoela, eta horietatik bi bokalak direnez, “V” letra nabarmentzea beharrezkoa zen. Bestalde, puntuak grabaketa ekintza sinbolizatzen du.
Erabilitako tipografia Helvetica Neue da, garbia eta biribila den letra-tipo bat, eta letra xehez erabiltzeak hurbiltasun eta atsegintasuna ematen dio.
Tipografia osagarri bat ere badu: Source Code Pro. Forma laukizuzenagoa eta mekanikoagoa du, eta Helvetica Neue-rekin kontrastea sortzen laguntzen du.
Kolore korporatiboak gorria, beltza eta zuria dira; tonu biziak dira, eta zinemaren arloan maiz erabiltzen dira indar bisuala dutelako
“Proiektua Publizitate Grafikoko Goi Mailako Heziketa Zikloan egina, BHI IES-Usandizagan.“